Manchester United bën ofertë për yllin e Eintracht Frankfurtit

Manchester United është i vetmi klub që ka bërë një ofertë konkrete për sulmuesin e Eintracht Frankfurt, Hugo Ekitike, sipas gazetarit gjerman Florian Plettenberg

Negociatat për Djajtë e Kuq pritet të jenë më të lehta se me klubet e tjera, pasi drejtori sportiv i Eintracht Frankfurt, Markus Kroos, është mik i ngushtë me drejtorin e rekrutimeve të Manchester United, Christopher Wivel.

Nga ana e tij, Ekitike është i hapur për një transferim në Old Trafford, gjë që do të lehtësonte gjithashtu negociatat nëse dy klubet do të arrinin një marrëveshje për tarifën e transferimit.

Sulmuesi 22-vjeçar francez iu bashkua Eintracht Frankfurt si transferim i përhershëm në fillim të këtij sezoni pas një periudhe huazimi gjashtëmujore. Për “Shqiponjat”, Ekitike shënoi 26 gola dhe dha 14 asiste në 64 ndeshje.