Marcelo: Ky është trofeu më i bukur i karrierës sime

Marcelo i dha fund aventurës greke me Olympiacosin në muajin gusht dhe u rikthye te Fluminense pas 16 vitesh.

Të shtunën në mbrëmje realizoi një ëndërr të kahershme. Teksa fitoi Kupën Libertadores me skuadrën e zemrës.

Për herë të parë në historinë e klubit të Fluminenses dhe trofeu i parë për 35-vjeçarin brazilian.

Edhe pse ka fituar 5 herë Champions League me Realin e Madridit, Marcelo theksoi pas ndeshjes se ky ishte trofeu më i bukur që ka fituar në karrierë.

“Te Reali duhet të më kuptojnë: ky është titulli më i rëndësishëm në karrierë, sepse e fitova me klubin ku jam rritur.

Champions apo Libertadores? Sigurisht që kjo e dyta. Nuk ka çmim dhe ndjesi më emocionuese për mua”, theksoi mbrojtësi i majtë.

Marcelo shndërrohet në futbollistin e 14-të që ka fituar Championsin dhe Libertadores. Përpara tij ja kanë dalë emrat e mëposhtëm:

Dida (Milan/Cruzeiro)
Cafu (Milan/San Paolo)
Carlos Tevez (Manchester United/Boca Juniors)
Juan Pablo Sorin (Juventus/River Plate)
Walter Samuel (Inter/Boca Juniors)
Roque Junior (Milan/Palmeiras)
Danilo (Real Madrid/Santos)
Ronaldinho (Barcelona/Atletico Mineiro)
Neymar (Barcelona/Santos)
Rafinha (Bayern Munchen/Flamengo)
Ramires (Chelsea/Palmeiras)
David Luiz (Chelsea/Flamengo)
Julián Alvarez (Manchester City/River Plate)
Marcelo (Real Madrid/Fluminense)