Mark van Bommel flet pas barazimit me Dritën, nuk është i kënaqur me rezultatin

Drita ka arritur të rikthehet në shtëpi me një rezultat pozitiv në ndeshjen ndaj Royal Antwerp në Ligën e Konferencës.

Dueli i parë në Belgjikë ka përfunduar me barazim pa gola, 0-0.

Padyshim se skuadra e njohur belge ka pritur më shumë nga ky takim, por nuk i doli përballje e lehtë.

Pas ndeshjes trajneri vendasve holandezi i famshëm Mark van Bommel ka thënë se kualifikimin do ta sigurojnë në ndeshjen kthyese derisa ka vlerësuar lart paraqitjen e Dritës.

”Nuk jemi ende gati të mposhtim këto lloj skuadrash. Ata dolën shumë në mbrojtje, ashtu siç e prisnim. Ne dhamë pak sot dhe patëm katër ose pesë raste të mira. Përveç kësaj, pati edhe një situatë penalltie, për të cilën nuk dua të ankohem. Një gol i hershëm e bën gjithçka shumë më të lehtë dhe mund të ishte. Ju duhet durim kundër një mbrojtjeje të tillë siç bëri sonte kundërshtari ynë sonte,” tha Bommel.