Masat e reja/ Për të hyrë në një klub nate apo për të shkuar në dasma duhet të jeni të vaksinuar

Qeveria e Kosovës sot ka miratuar masat e reja kundër Covid 19.

Orari i klubeve të natës është zgjatur deri në ora 03:00 pas mesnate, transmeton Indeksonline.

Nga data 20 gusht e deri më 10 shtator,  hyrja në ambientet e klubeve të natës, diskotekave dhe ambienteve ku mbahen dasmat, fejesat, ahengjet familjare e të ngjashme,tubimet masive, të cilat kanë kapacitet mbi 100 persona,  do të lejohet vetëm me Certifikatën e vaksinimit për vaksinimin e plotë ose marrjen e një dozë të vaksinës kundër COVID-19; Testi RT-PCR negativ për COVID-19, jo më i vjetër se 72 orë; Dëshmi se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të  antitrupave serologjik –IgG, i lëshuar më së shumti para 30 ditëve; Test i shpejtë antigjen negativ jo më i vjetër se 48 orë./Indeksonline/