Mashtroi norvegjezen me vite, arrestohet 40-vjeçari në Pejë

Një person është arrestuar nga Policia në Pejë për kanosje dhe mashtrim të një shtetaseje norvegjeze.

“Me datën 6 maj 2019 rreth orës 10:30, pranë Stacionit Policor në Pejë, viktima (shtetase Norvegjeze) ka raportuar se në vazhdimësi është mashtruar dhe kanosur nga i dyshuari që nga viti 2013, dhe në këtë mënyre i dyshuari sipas viktimës ka përfituar shumën rreth 100.000 (njëqindmijë) euro”, thuhet në njoftimin e policisë.

Njësiti i Hetimeve të Stacionit Policor në Pejë, kanë ndërmarrë të gjitha masat e nevojshme, është intervistuar viktima, dhe rasti është iniciuar vepër penale ‘Kanosje dhe mashtrim’.

Lidhur me këtë është njoftuar prokurori i shtetit dhe në koordinim të plotë në vazhdën e hetimeve intensive, me datë 08.05.2019 pas një pune operativo-hetimore hetuesit kanë arritur që ta arrestojnë të dyshuarin: V.K., lindur me 1979.

Të dyshuarit pas intervistimit nga hetuesit policor, prokurori i shtetit urdhëron masën e ndalimit për të vazhduar me procedura të mëtutjeshme./Indeksonline/