Maska të mjaftueshme për popullatën zvicerane deri në fund të vitit 2020

Përderisa raportet qarkullojnë duke sugjeruar se maskat së shpejti mund të bëhen të detyrueshme në hapësirat e brendshme publike në të gjithë vendin, autoritetet, shitësit me pakicë dhe prodhuesit thonë se ka mjaft pajisje mbrojtëse në magazinë që të zgjasin deri në fund të vitit.

Rezervat e detyrueshme të maskave të mbajtura nga Departamenti Federal i Mbrojtjes janë “tejmbushur”, i tha një zëdhënës televizionit publik zviceran SRF. Shitësit kryesorë me pakicë Migros dhe Coop gjithashtu thanë se ata nuk parashikonin ndonjë ngërç të furnizimit.

Spitalet, të cilat përjetuan një mungesë të pajisjeve mbrojtëse personale në ditët e para të pandemisë, që atëherë kanë siguruar rezerva të mjaftueshme për të paktën 12 javë, tha sekretari i përgjithshëm i drejtorëve kantonalë të shëndetit për SRF, transmeton Albinfo

Prodhuesi lokal i maskave Wernli, në kantonin Aargau, aktualisht prodhon 500,000 maska në ditë.

“Ne jemi duke u ballafaquar me të vërtetë mirë me porositë e klientëve dhe kjo duhet të jetë pak a shumë rasti edhe për konkurrentët tanë”, tha Felix Schönle.

Rreth 20% e maskave të shitura në Zvicër prodhohen në vend, megjithëse varësia nga furnizimet e huaja, veçanërisht nga Kina, mbetet e lartë, shkruan swissinfo.ch.