Mbappe kalon problemet shëndetësore, rikthehet në stërvitje

Kylian Mbappe ka pasur disa probleme shëndetësore prej se kur skuadra e Real Madridit zbarkoi në ShBA, për të marr pjesë në Kupën e Botës për klube.

Sulmuesi franzez pas një jave është rikthyer në stërvitje, duke iu bashkuar skuadrës së Xabi Alonsos, shkruan IndeksOnline.

26-vjeçari, vuante nga gastroenterit akut ku u detyrua të shtrihet edhe në spital ku qëndroi për disa orë, e pastaj u rikthye në hotel, për të vazhduar trajtimin specifik.

Mbappe mungoi në dy ndeshjet e para të Realit në Kupën e Botës për Klube, ndaj Al Hilal dhe Pachucas, ndërsa është në dyshim për ndeshjen e fundit të fazës së grupeve, ndaj Salzburgut, e cila është vendimtare për të kaluar në 1/8 e finales./IndeksOnline/