Mbeti pa u bërë notere – Bashkëshorjta e Lladrovcit s’ka inate me Kurtin, përshëndetet për dore!

Bashkëshorjta e Ramiz Lladrovcit, Shemsija, ka mbetur pa u bërë notere, pas vendimit të qeverisë “Kurti”, konkretisht ministres së drejtësisë, për anulimin e provimit të noterisë.

Mirëpo, ky vendim duket se nuk i ka lënë shenjë bashkëshortes së kryetarit të Drenasit. Ajo, pas një ceremonie në Sallën e Kuqe në Prishtinë, e përshëndeti kryeministrin e Republikës, Albin Kurti.

E ky gjest, padyshim se e bëri të qeshte vajzën e tyre, Kosovaren.

Indeksonline ua sjellë pamjet:

Ndryshe, Ramiz Lladrovci kishte dhënë një deklaratë para disa ditësh rreth anulimit nga MD-ja.

“Bashkëshortja ime do t’i marrë të gjitha veprimet ligjore ndaj vendimit që e ka marrë ministrja”, kishte thënë ai.

Vlen të theksohet se me 29 qershor të vitit të kaluar 60 kandidatë kishin kaluar provimin me shkrim për noterë.

Në mesin e tyre ishte edhe Shemsije Istogu-Ladrovci, bashkëshortja e Lladrovcit.

Ndërsa, ministrja e Drejtësisë, Albulena Haxhiu, ka bërë të ditur se ka anuluar provimin e kontestuar të noterisë, që ka mbetur në gjysmë nga qeveria e kaluar.

Sipas saj, ky proces ishte i komprometuar, duke thënë se do të hapet sërish konkursi.

“Anulimi i këtij vendimi tregon se drejtësia do të udhëhiqet mbi parimin e ligjshmërisë. Unë kam të drejtë të anuloj çdo akt, anulimi i së cilës është në interes të së mirës së përgjithshme”, ka deklaruar ajo.