Mbi 16 mijë njësi banimi pajisen me matës dhe alokatorë, kryeshefi i Termokosit ndan detaje mbi faturimin e ngrohjes

Kryeshefi ekzekutiv i Termokosit, Fisnik Osmani, ka thënë se mbi 16 mijë njësi banimi janë pajisur me matësit e energjisë dhe alokatorët.

Përmes një postimi në Facebook, Osmani shtoi se me instalimin e valvulave termostatike, termokokave dhe alokatorëve në radiatorë, shumë familje nga sezoni i ardhshëm do të faturohen me mënyrën e re të kalkulimit.

“Duke kontrolluar shpenzimet, kursehet energjia, krijohet një ambient i rehatshëm i jetesës dhe rrjedhimisht ruhet ambienti” ka thënë mes të tjerash ai.

Ky është njoftimi i plotë i tij:

Deri më sot, kemi instaluar matësit e energjisë dhe alokatorët në mbi 16000 njësi banimi.

Me instalimin e valvulave termostatike, termokokave dhe alokatorëve në radiatorë, këto familje nga sezoni i ardhshëm do të faturohen me mënyrën e re të kalkulimit, përmes së cilës ato do të mund të paguajnë aq sa kanë shpenzuar.

Duke kontrolluar shpenzimet, kursehet energjia, krijohet një ambient i rehatshëm i jetesës dhe rrjedhimisht ruhet ambienti.

Aktualisht po bëjmë testimin e sistemit, i cili po jep rezultate të jashtëzakonshme në funksion të kursimit të energjisë! 

Termokos, po i jep kuptim Prishtinës së gjelbër!