Mblidhen disa komisione parlamentare, vëmendja te Projektligji për energjinë elektrike

Disa komisione parlamentare sot do të mbajnë mbledhje – me pikat veç e veç të rendit të ditës.

Në orën 09:00, Komisioni “ad-hoc” për përzgjedhjen e kandidatëve për anëtarë të bordit të RTK-së do të fillojë intervistimin e kandidatëve të propozuar për anëtarë të këtij bordi, shkruan IndeksOnline.

Vëmendja bartet te Komisioni për ekonomi, industri, ndërmarrësi, tregti dhe inovacion, i cili do të shqyrtojë në parim projektligjin për energjinë elektrike. Ky komision mblidhet në orën 09:00.

Në orën 11:00, Komisioni për legjislacion, mandate, imunitete, rregulloren e kuvendit dhe mbikëqyrjen e Agjencisë Kundër Korrupsionit do të intervistojë kandidatët për anëtarë të Këshillit Gjyqësor të Kosovës.

Ndërkaq në po të njëjtën orë do të mblidhet edhe Komisioni për buxhet, i cili në rend të ditës i ka pikat si në vijim:

1. Miratimi i rendit të ditës;

2. Miratimi i procesverbalit të mbledhjes së komisionit të mbajtur më: 1.04.2026;

3. Shqyrtimi i Kornizës afatmesme të ahpenzimeve (KASH) të Kuvendit të Kosovës për vitet 2027-2029;   

4. Shqyrtimi i Raportit vjetor të shpenzimeve të Kuvendit të Kosovës për vitin 2025;

5. Shqyrtimi i Raportit vjetor financiar i Avokatit të Popullit për vitin 2025;

6. Të ndryshme./IndeksOnline/