Mblidhen katër Komisione parlamentare, shqyrtohen tri projektligje të rëndësishme

Katër Komisione parlamentare do të mblidhen sot për të shqyrtuar tri projektligje të rëndësishme për vendin.

Me fillim nga ora 10:00, Komisioni për Buxhet, Punë dhe Transfere e shqyrton Projektligjin për Institutin e Krimeve të Kryera gjatë Luftës në Kosovë.

I njëjti Projektligj do të shqyrtohet një orë më vonë nga Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit.

Po ashtu, në ora 11:00 Komisioni për të Drejtat dhe Interesat e Komuniteteve dhe Kthim shqyrton Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore.

Ndërkaq, në ora 12:00, Komisioni për Integrim Evropian e shqyrton Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore, me amendamentet e Komisionit funksional nga aspekti i përputhshmërisë me legjislacionin e BE-së.