Mblidhet MAPL-ja, ja çfarë u diskutua

Ministrja e Administrimit të Pushtetit Lokal, Emilija Redžepi ka mbajtur takimin e rregullt koordinues me Zëvendësministren znj.Fatbardha Emini, Zëvendësministrin, Reshat Nurboja dhe Sekretaren e Përgjithshme Rozafa Ukimeraj.

Në këtë takim, u diskutua lidhur me veprimet që ka ndërmarrë MAPL deri më tani në koordinimin ndërinstitucional ndërmjet nivelit qendror dhe lokal lidhur me virusin COVID – 19, realizimin e vizitave në komunat e Republikës së Kosovës, identifikimin e sfidave në komuna dhe adresimin e kërkesave të tyre në institucionet përgjegjëse të Qeverisë së Kosovës që merren me menaxhimin e emergjencës së shëndetit publik.

Gjithashtu, u diskutuan edhe çështjet e tjera të punës e që ndërlidhen me performancën komunale, si dhe procesin e imlementimit të projekteve të investimeve kapitale.

“MAPL do të jetë në koherencë pranë komunave me qëllim të ofrimit të përkrahjes dhe ndihmës së nevojshme”, thuhet në një postim në Facebook.