Më 11 tetor komanda e KFOR-it u kthehet italianëve

Më 11 tetor komanda e forcave paqëruajtëse të NATO-s në Kosovë, do t’u kthehet italianëve.

Në pozitën e komandantit të KFOR-it, në vend të gjeneralmajorit Ozkan Ulutash do të vie gjeneralmajori Enrico Barduani.

Ulutash ishte komandanti i 28 i KFOR-it deri Barduani do të jetë i 29-ti.

Sipas njoftimit të misionit të Aleancës Veriatlantike në Kosovë, ceremonia e ndërrimit të komandës do të bëhet në orën 9:30.

Ngjarja kryesohet nga komandanti i Komandës së Forcave të Përbashkëta Aleate në Napoli, Admirali Stuart B. Munsch.