“Me 15 prill do ta kuptoni…”, Ramadani i LVV-së flet për formimin e qeverisë!

Ka nisur regjistrimi i deputetëve të rinjt të Kuvendit të Kosovës. Të parët janë ata nga Lëvizja Vetëvendosje, si partia  e parë e dalë nga zgjedhjet e 09 shkurtit.

Deputeti i LVV-së, Valon Ramadani është shprehur optimist për formimin e institucioneve të reja.

“Sot erdha u regjistrova për procedurat e deputetit.  Para datës 15 do ta kuptoni. Shenjat janë se me datën e 15 por gjasat janë që do të bëhet qeveria dhe të vazhdohen punët”, u shpreh ai.

Ndryshe, regjistrimi i deputetëve do të vazhdojë dhe në ditët në vijim. Nesër e premte, do të regjistrohen deputetët e Partisë Demokratike të Kosovës (PDK) dhe ata të Lidhjes Demokratike të Kosovës (LDK).

Ndërkaq regjistrimi i deputetëve do të vazhdojë dhe të hënën, ku do të regjistrohen deputetët e koalicionit AAK-Nisma dhe ata nga radhët e pakicave.

Ndryshe, kryetari në detyrë i Kuvendit të Kosovës, Glauk Konjufca, ka takuar më 8 prill kryetarët e partive politike në vend, lidhur me përgatitjet për seancën konstituive. Seancë kjo e cila është caktuar, më 15 prill nga presidentja e vendit Vjosa Osmani./Indeksonline/