Me çaj rusi e shalqi, Kreshën dhe Kapon i bën bashkë gjysmëfinalja e Botërorit të Klubeve

MC Kresha dhe Capital T mbrëmë ishin bashkë.

Dyshja e njohur e hip-hopit ndoqën bashkë ndeshjen gjysmëfinale të Botërorit të Klubeve, PSG-Real Madrid.

Bashkë me ta ishin edhe artisti i ri, Denk, dhe producenti i Trimit, Visari.

Super ndeshjen, katërshja e shoqëroi me pije të gazuara, çaj rusi dhe shalqi.

“Nata e futbollit me vëllezërit”, shkroi Trimi në fotografi.

Çka merr vëmendjen janë edhe fanellat në kornizë në murin e dhomës.

Bëhet fjalë për fanellën e Granit Xhakës, Vedat Muriqit, Milot Rashicës e Shkodran Mustafit, të gjitha me autografet e futbollistëve./IndeksOnline/