Më në fund, Ilir Meta dekreton Lleshin si Ministër të Brendshëm
Në limite të afateve, presidenti i Shqipërisë, Ilir Meta ka dekretuar mbrëmjen e sotme Sandër Lleshin si Ministër të Brendshëm.
Afati për dekretimin e Lleshit përfundonte në orën 00:00.
Lleshi u emërua zëvendësministër i Brendshëm pasi nuk u dekretua herën e parë nga Meta, ndërsa presidenti ka pranuar ripropozimin e dytë të kryeministrit Edi Rama për të dekretuar Sandër Lleshin si Ministër të Brendshëm, shkruan TCh.
Mesditën e sotme, Presidenti Meta e liroi si gjeneral Sandër Lleshin.
Më poshtë dekreti:
DEKRET PËR EMERIM MINISTRI:
Në mbështetje të nenit 93 dhe 98, pika 1 të Kushtetutës, me propozim të Kryeministrit nr. 5211 prot., datë 09.11.2018
D e k r e t o j:
Neni 1
Zotin Sandër Lleshaj, emërohet Ministër i Brendshëm.
Neni 2
Ky dekret hyn në fuqi menjëherë.
Nr. Dekreti 10957
Tiranë, më 16.11.2018.
PRESIDENTI I REPUBLIKËS, ILIR META