Më në fund, përfundon i gjithë dekorimi i Prishtinës për fundvit

Prishtina ka vonuar sivjet me dekorimin e qytetit për fundvit.

Në vigjilje të Krishtlindjeve dhe një javë para Vitit të Ri, më në fund, sonte në Prishtinë janë ndezur të gjitha dritat, shkruan Indeksonline.

Kështu ka njoftuar i pari i Prishtinës, Shpend Ahmeti, duke thënë se tani bredhat në tri sheshet dhe dritat e ndryshme janë ndezur në krejt qytetin.

“Bredhat në tri sheshe dhe dritat e ndryshme janë ndezur në krejt qytetin. Tregu i fundvitit edhe sivjet po mbledh shumë njerëz në atmosferën e festave të fundvitit”, ka shkruar Ahmeti duke bashkangjitur edhe disa fotografi të pamjes që ka marrë kryeqyteti.

Ndryshe, duhet cekur se dekorimi i kryeqytetit sivjet i ka kushtuar Komunës së Prishtinës 75 mijë euro.

Gjithashtu, Ahmeti përmes një postimi tjetër ka njoftuar edhe për agjendën e aktiviteteve kulturore- duke treguar se për cdo mbrëmje deri më 30 dhjetor do të ketë m uzikë në sheshin, Zahir Pajaziti.

Agjenda e aktiviteteve kulturore – muzikë çdo mbrëmje në Sheshin Zahir Pajaziti.

Tregu i Fundvitit

Sheshi “Zahir Pajaziti”

E hëne, 24 Dhjetor
20:00h
Gesundheit

E martë, 25 Dhjetor
20:00h
JAzzKOVA

E mërkurë, 26 Dhjetor
20:00h
Art Lokaj & Labinot Avdiu

E enjte, 27 Dhjetor
20:00h
Flaka Krelani & Band

E premte, 28 Dhjetor
20:00h
Gent Malazogu & Albin Kllokoqi
Unplugged Christmas Songs

E shtunë, 29 Dhjetor
20:00h
Prishtina Brass

E diele, 30 Dhjetor
20:00h
Nesim Maxhuni
Homecoming

/Indeksonline/