Me shtrenjtimin e energjisë elektrike do të pësojnë prodhuesit vendës
Përfaqësues të bizneseve dhe njohës të çështjeve të ekonomisë, thanë se nëse do të ketë një rritje tjetër të çmimit të energjisë elektrike prej 30 deri në 35% siç edhe është paralajmëruar, më së shumti do të pësojnë bizneset prodhuese në Kosovë e rrjedhimisht edhe qytetarët të cilët përveç se do të paguajnë energjinë elektrike më shtrenjtë ata do të kenë edhe produkte më të shtrenjta, përfshirë ato esenciale siç është buka.
Kryetari i Dhomës së Tregtisë, Skëndër Krasniqi, thotë se nga shtrenjtimi i energjisë elektrike, që pritet të ndodhë në muajin prill më së shumti do ta pësojnë bizneset prodhuese, të cilat e kanë të pamundur që të operojnë dhe të mos i rrisin çmimet e produkteve të tyre.
“Nëse rritet çmimi i energjisë atëherë qysh ka me i ba konkurrencë prodhuesi vendës, importit”, tha Krasniqi.
Në fund të fundit, Krasniqi, shton se Qeveria e Kosovës ka në dorë që ta shtrenjëtojë ose jo energjinë elektrike.
“Po qeveria ka përfaqësuesit e vet në ZRRE-ja dhe ajo mund të marrë vendim që të mos rritet çmimi i energjisë të dëgjojë zërin tonë”, tha ai për rtv21.
Njohësi i çështjeve të ekonomisë, Lekë Musa, thotë se marr parasysh se ekonomitë familjare në Kosovë janë duke shpenzuar më shumë energji për ngrohje, çdo rritje e çmimit të saj do të godasë direkt xhepin e tyre.
“Nëse në nxehemi me klima zgjidhja për problemin e energjisë nuk do duhej të ishte shtrenjtimi i saj, por përmirësimi i kapaciteteve prodhuesve”, tha Musa.
Ndryshe që nga viti 2021, Kosova ka blerë energji elektrike mbi 500 milionë euro, ndërkohë që qytetarët stepur nga faturat e larta dhe të papërballueshme të energjisë elektrike edhe para se operatorët eneregjitkë të publikonin kërkesat për shtrenjëtim të energjië elektrike deri në 35%.
