Më shumë se gjysma e rasteve pozitive në Mbretërinë e Bashkuar janë asimptomatikë
Më shumë se gjysma e njerëzve që testuan pozitivisht për Covid-19 në Britaninë e Madhe nuk kishin simptoma, tha të enjten Zyra për Statistikat Kombëtare (ONS) në sondazhin e saj të fundit, transmeton Indeksonline.
“Në mars 2021, 47% e njerëzve që testuan pozitivisht për koronavirusin në MB raportuan simptoma dhe 53% nuk raportuan të kishin ndonjë simptomë“, tha ONS.
Por si u ndjenë të tjerët?
Lodhja, dhimbja e kokës dhe kollitja ishin simptomat më të raportuara nga njerëzit që dolën pozitivë për Covid-19, raporton CNN.
Përzierja, dhimbja e barkut dhe diarreja ishin ndër simptomat më pak të raportuara.
“Asimptomatikë” përshkruan një person që është i infektuar, por nuk ka simptoma.
Me Covid-19, transportuesit asimptomatikë mund të infektojnë lehtë të tjerët pa e ditur atë./Indeksonline/