Me spinaq e makarona, si e festoi Diddy ditëlindjen në burg?
Diddy festoi ditëlindjen e tij të 56-të në burg, konkretisht në Qendrën Federale Korrektuese Fort Dix, ku u transferua së fundmi ndërsa vuante një dënim prej 50 muajsh pasi u dënua për dy akuza për transportimin e grave për qëllime prostitucioni.
Reperi Sean “Diddy” Combs mbushi 56 vjeç të martën, më 4 nëntor, dhe e kaloi ditëlindjen në burg, ku shijoi tre vakte së bashku me të burgosurit e tjerë, sipas menusë së siguruar nga revista People.
Mëngjesi, i shërbyer rreth orës 06:30, përfshinte fruta, drithëra, tortë ose bukë integrale me reçel.
Diddy has his own private cell, has enough money to still eat gourmet quality food and is surrounded by hot buff gay men with tattoos that probably want a rap deal when they get out💀📈 Sounds more like he’s on holiday to me…😈
— CelebritiesLoveDrama (@CelebzLoveDrama) November 5, 2025
Dreka, e servirur midis 11:00 dhe 12:00, ofronte si zgjedhje pulë ose hamburger, të shoqëruara me makarona, salcë dhe spinaq, ndërsa për fund mund të zgjidheshin fruta ose ëmbëlsirë.
Për darkë, rreth orës 16:30, të burgosurit kishin në menu picë.
Combs u transferua më 30 tetor në institucionin FCI Fort Dix në Nju Xhersi, pasi avokatët e tij protestuan për kushtet në Qendrën Metropolitan të Paraburgimit (MDC) në Brooklyn. Ata kërkuan transferimin e tij për të pasur akses në programe rehabilitimi kundër varësisë nga droga.
Në tetor, reperi u dënua me 50 muaj burg nga gjyqtarja federale Aruna Subramanian, pas dënimit të shpallur në korrik. Sipas faqes zyrtare të Byrosë së Burgjeve, data e mundshme e lirimit të tij është 8 maj 2028, çka tregon se ai mund të lirohet më herët për sjellje të mirë.
Avokatja e tij, Alexandra Shapiro, ka paraqitur kërkesë për apelim më 20 tetor, duke kundërshtuar dënimin. Më 3 nëntor, kërkesa për përshpejtimin e apelimit u miratua nga gjyqtarja e Gjykatës së Apelit të SHBA-së, Beth Robinson, ndërsa seanca dëgjimore është planifikuar për prillin e vitit 2026.
