Mediat serbe e quajnë “plan të poshtër” iniciativën e Veselit për tribunal, po e largon vëmendjen nga Specialja
Kuvendi i Kosovës është duke diskutuar për iniciativën e kryeparlamentarit Kadri Veseli për themelimin e një Tribunali Ndërkombëtar i cili do të dënonte krimet e serbëve në Kosovë.
Mbajtjen e kësaj seance janë duke e komentuar edhe mediat serbe.
Iniciativën e Veselit për këtë tribunal mediat në Serbi janë duke e quajtur “plan të poshtër”.
Kjo iniciativë sipas mediave serbe është duke u bërë nga Veseli për të larguar vëmendjen nga Gjykata Speciale, e për të cilën, duke u bazuar raportimeve nga Kosova, ka ftesë kryetari i Kuvendit.
“Megjithatë, ai nuk ka mbështetjen e të gjithë shqiptarët për planin e tij, ose për të tërhequr vëmendjen nga Gjykata Penale Ndërkombëtare për UÇK-në, sepse disa herë në publikun e Prishtinës ka pasur informacion se Veseli do të jetë ndër “udhëtarët” për Hagën”, thuhet në mediat serbe, përcjellë Indeksonline.