Medina Hasani nga Kçiçi i Madh ka nevojë për ndihmën tonë

Katërvjeçarja Medina Hasani nga Kçiçi i Madh vuan nga një sëmundje për shërimin e së cilës duhet edhe mjete materiale që familja nuk po arrin t’i siguroj.

Ajo është diagnostikuar me Atrofi Spinale Muskulare, sëmundje kjo për të cilën familja ka apeluar që të ndihmohet vogëlushja që ta tejkaloj gjendjen.

Sëmundje kjo e pa trajtueshme në institucionet shëndetësore të Kosovës dhe rekomandimet e tyre janë se e njëjta duhet të dërgohet jashtë vendit.

Sipas përllogaritjeve fillestare shuma monetare për trajtimin e kësaj sëmundje arrin vlerën në 200.000 euro, shumë kjo e papërballueshme duke pasur parasysh gjendjen ekonomike të familjes.