Megjithatë po ofrohen shërbime për pacientët, edhe pse mjekët në grevë të përgjithshme
Punonjësit shëndetësorë sot po mbajnë një grevë të përgjithshme. Megjithatë, pacientëve po u ofrojnë shërbimet e nevojshme.
Ekipi i Indeksonline që po qëndron në Qendrën Kryesore të Mjekësisë Familjare, bën me dije se janë duke u ofruar shërbimet e nevojshme.
Nëpër dyer të klinikave janë vendosur letra nga FSSHK ku njoftojnë për grevën.
Kërkesa e mjekëve është që Projektligji për Pagat të shkojë sa më parë në Parlament dhe i njëjti të fillojë së implementuari nga viti i ardhshëm.
FSSHK paralajmëron se grevat dhe veprimet e tjera sindikale do të jenë të vazhdueshme nëse Qeveria dhe instancat tjera relevante nuk reflektojnë.