Mehaj: Operacionet për tejkalimin e situatës në Deçan do të vazhdojnë pandërprerë

Ministri i Mbrojtjes, Armend Mehaj ka njoftuar se sot gjatë tërë ditës kanë vazhduar aktivitetet e njësive specialistike të FSK-së për tejkalimin e situatës emergjente në Deçan.

Ai tha se operacionet do të vazhdojë pandërprerë deri në tejkalimin e situatës emergjente dhe rikthimin në gjendjen normale, shkruan Indeksonline.

Njoftimi i plotë:

Sot gjatë tërë ditës kanë vazhduar aktivitetet e njësive specialistike të FSK-së në operacionet për menaxhimin dhe tejkalimin e situatës emergjente në komunën e Deçanit.

Operacionet u zhvilluan dhe po vazhdojnë të zhvillohen me 6 komponente operative, të shtuar nga paraditja edhe me dhurimin e materialeve mjekësore për personelin e QKMF-në e Deçanit.

Operacionet do të vazhdojnë pandërprerje deri në tejkalimin e situatës emergjente dhe rikthimin në gjendjen normale.

Ky është misioni ynë!

Kjo është detyra jonë!