Mehaj pas shpëtimit të foshnjës nga FSK-ja: Krenar me djemtë dhe vashat tona!

Ministri i Mbrojtjes së Kosovës, Armend Mehaj ka reaguar pas lajmit se FSK-ja gjatë operimit të tyre në Turqi kanë shpëtuar një fëmijë të moshës dy vjeçare dhe janë dukë bërë përpjekje për të shpëtuar edhe nënën e saj që ka mbetur në rrënoja.

Mehaj përmes një postimi në Facebook, është shprehur i lumtur dhe krenar për djemtë dhe vashat tona që janë pjesë e ekipit të shpëtimit në Turqi.

Postimi i plotë:

Ekipi i FSK-së ka arritur të nxjerr nga rrënojat një fëmijë të moshës 2 vjeçare

Ekipet e Kërkim-Shpëtimit të Forcës së Sigurisë së Kosovës që nga mëngjesi janë duke operuar me kapacitete të plota në Hatay të Turqisë.

Në orët e mbrëmjes kanë arritur të nxjerrin një fëmijë të moshës dy vjeçare, dhe janë duke bërë përpjekjet maksimale për të shpëtuar edhe nënën e saj që është e ngujuar në rrënoja.

Ekipet tona gjatë operacionit kanë hasur në viktima në objektet e kollapsuara, por prioritet është duke ju dhënë atyre vendeve ku janë detektuar persona të gjallë.

Krenar me djemtë dhe vashat tona! /IndeksOnline/