Mehaj pas vizitës në Skenderaj: Mbështetja e FSK-së po vazhdon
![](https://indeksonline.net/wp-content/uploads/2023/01/325961115_1356771485148966_384914440264109582_n.jpg)
Ministri i Mbrojtjes, Armend Mehaj, ka vizituar sot Skenderajin, si një nga qytetet më të prekura nga vërshimet pas shiut.
Bashkë me kryeministrin Albin Kurti dhe ministrin Elbert Krasniqi, takuan kryetarin e Skenderajit, Fadil Nurën, i cili u prezantoi nga afër dëmet që kanë shkaktuar reshjet e pandërprera të shiut këto ditët e fundit.
![](https://indeksonline.net/wp-content/uploads/2023/01/323922167_1539069313169660_5150209744581402104_n.jpg)
![](https://indeksonline.net/wp-content/uploads/2023/01/323346380_2976918092603131_4494048687659574998_n.jpg)
Mehaj tha se FSK është në terren, duke mbështetur të gjithë qytetarët që u preken nga këto vërshime, duke shpërndarë pako ushqimore dhe higjienike.
![](https://indeksonline.net/wp-content/uploads/2023/01/323424570_568070131866602_5504517775192894874_n.jpg)
![](https://indeksonline.net/wp-content/uploads/2023/01/325961115_1356771485148966_384914440264109582_n-1.jpg)
“Sot bashkë me Kryeministrin, Albin Kurti dhe ministrin, Elbert Krasniqi vizituam zonat e prekura nga vërshimet në komunën e Skenderajt ku u pritëm nga kryetari, Fadil Nura dhe komunën e Mitrovicës kryetari, Bedri Hamza.
Mbështetja nga FSK-ja sot është duke vazhduar me shpërndarjen e pakove me produkte ushqimore dhe higjenike për qytetarët.
![](https://indeksonline.net/wp-content/uploads/2023/01/323433499_3827183724266630_2015093959904237694_n.jpg)
Falënderim për ushtarët tanë të tri regjimenteve të udhëhequr nga Toger, Ilirjanë Bunjaku të cilët kanë bërë punë të shkëlqyer dhe të pa lodhur që nga dita e parë e vërshimeve” njoftoi Mehaj.