75 Mall Live Search
08:43 / E Premte, 28 Shkurt 2025 / L K

Meksika ekstradon në SHBA një nga bosët e drogës më të kërkuar dhe 28 anëtarë të kartelit

Meksika ka ekstraduar bosin famëkeq të drogës Rafael Cara Quintero dhe 28 anëtarë të tjerë të kartelit në Shtetet e Bashkuara, njoftoi Departamenti Amerikan i Drejtësisë.

Caro Quintero, i konsideruar nga autoritetet meksikane si themeluesi i Kartelit Guadalajara, dyshohet se ishte i përfshirë në rrëmbimin, torturimin dhe vrasjen e agjentit të Administratës së Zbatimit të Drogës (DEA) Enrique Camarena Salazar në 1985. DEA pretendon se vrasja e Salazar ishte në hakmarrje për një bastisje të vitit 1984 nga autoritetet meksikane në fermën e marihuanës së Cara Quintero.

Caro Quintero kaloi 28 vjet në burg në Meksikë për rolin e tij në vrasje përpara se të lirohej në 2013. Gjykata e Lartë meksikane anuloi më vonë vendimin për lirimin e tij. Ai më pas u kthye në tregtinë e drogës si një udhëheqës i lartë i kartelit Sinaloa, sipas FBI.

Departamenti Amerikan i Drejtësisë tha se të ekstraduarit ishin “udhëheqës dhe menaxherë të karteleve të drogës që kohët e fundit janë cilësuar si organizata të huaja terroriste dhe terroristë globalë të caktuar posaçërisht, si Karteli Sinaloa, Cártel de Jalisco Nueva Generación (CJNG), Cártel del Noreste (ish Los Zetas, Golf, dhe Lachotel Nueva)./Indeksonline/

Mos i humb

Të fundit nga Lajme