Memphis Depay mendon largimin nga Barcelona në janar

Memphis Depay nuk është i lumtur me minutat që po merr tek Barcelona.

Duke hyrë në pushimin ndërkombëtar, u dëgjuan murmuritjet e para të pakënaqësisë, pasi Memphis i shpjegoi shtypit se minutat që po merrte nuk mjaftonin.

Duke folur në rubrikën e tij me Caught Offside, gazetari italian Fabrizio Romano shpjegoi se ka mundësi që Memphis të lëvizë këtë dimër, transmeton IndeksOnline.

“Pra, çfarë më pas? Mendoj se situata e Depay është ende e hapur në muajt në vijim. Ai është një profesionist i madh dhe kjo është arsyeja pse Xavi po e mban në ekip, por për janarin do të varet nga propozimet për Memphisin”.

“Për momentin, gjithçka është e qetë dhe asgjë nuk do të vendoset përpara Kupës së Botës”.

Sulmuesi holandez ka qenë në kontakt me Chelsean ditët e fundit, të cilët së bashku me Juventusin ishin në bisedime me të në verë. Bazuar në komentet e tij, ai mund të kërkojë një lëvizje në janar. IndeksOnline/