Menaxhmenti i RTK-së u prit në Tiranë nga drejtori i RTSH-së, Thomas Gellci

Në realitetin e ri të shekullit të 21-të dy televizionet publike shqiptare në rajon, RTSH dhe RTK vijojnë me sukses bashkëpunimin duke synuar rritjen e cilësisë së prodhimeve për shqiptaret në të dy anët e kufirit.

Në këtë fillim marsi mbërriti në Tiranë një delegacion i cili u mirëprit nga drejtori i përgjithshëm i RTSh-së Thoma Gellci. Gjatë bisedës drejtuesit e televizioneve shprehen vlerësim për arritjet e deritanishme ndërsa nuk e fshehën se pandemia e COVID- 19 ka ndalur hovin e këmbimeve mes dy institucioneve.,

pikërisht për ta rigjallëruar bashkëpunimin e deritanishëm delegacionet biseduan ne Tiranë në zyrat qendrore të RTSh-së, ku u prezantuan arritjet që RTSH ka shënuar në fushën e teknologjisë.

Dy televizionet po zhvillojnë bashkëprodhime të suksesshme gjate viteve të fundit që kanë rezultuar formate televizive të pëlqyera dhe shumë të dashura për publikun në ekran. Në te dy anët e kufirit bëri jehone formati “Gjyshet Milionere”, që përfshiu ne sezonet e tij jo vetëm një numër rekord shikuesish, por shërbeu për të promovuar vlerat me të mira të kulinarise shqiptare ne rajonin e Ballkanit.

RTSH transmeton programin “Udhëve” të RTK-së, ndërsa së bashku dy gjigantet televizive publike kanë bashkë-prodhuar me sukses edhe serialin televiziv për të rinjtë “I Star”. Bashkëpunimi mes dy televizioneve i bashkon ekranet edhe ne akademinë e trajnimeve, ne fushën e shkëmbimit të lajmeve brenda projektit erno dhe jo vetëm, si dhe ne shkëmbimin e eksperiencave më të mira që synojnë promovimin e programeve që i shërbejnë interesave të teleshikuesve pa dallim.