22:44 / E Hënë, 19 Qershor 2023 / AR
Merdarja e Jarinja të bllokuara, qytetarët po kalojnë nga Dheu i Bardhë, gjendja atje stabile
Për shkak të protestave të serbëve, në afërsi të pikave kufitare në Jarinjë dhe në Merdare, nuk është i mundur kalimi i autobusëve dhe kamionëve me targa të Kosovës.
Disa prej autobusëve e kamionëve tashmë po kalojnë nga pika kufitare Dheu i Bardhë.
Një qytetar ka treguar për Indeksonline se janë kthyer nga Merdarja dhe kanë kaluar nga Dheu i Bardhë.
Ai thotë se për momentin gjendja te Dheu i Bardhë është stabile.
