Mesazh nga kryeministri Albin Kurti, i jep mbështetje të fuqishme Jeton Rakës nga Kaçaniku!
Kryeministri dhe lideri i Lëvizjes “Vetëvendosje”, Albin Kurti i ka kushtuar një postim të vecantë kandidatit për kryetar të Kaçanikut, Jeton Rakës.
Sipas Kurtit, Raka e vë veten në dispozicion bashkë me përvojën e tij shumëvjeçare në sektorin publik e privat, në kompani vendore e ndërkombëtare.
“Jetoni e njeh Kaçanikun si jetesë, si problematikë, si histori e kulturë por edhe në dokument”, ka shkruar ai.
Postim i plotë:
Kur kishte vendosur të bëhej pjesë e Lëvizjes VETËVENDOSJE!, Jeton Raka e kishte të qartë vizionin e tij për Kaçanikun. Një qytet i pastër e me ekonomi dhe turizëm të zhvilluar. Transparent në qeverisje, e garantues i shërbimeve si furnizimi me ujë apo infrastruktura në shkolla. Prandaj, kandidati ynë Jeton Raka e vë veten në dispozicion bashkë me përvojën e tij shumëvjeçare në sektorin publik e privat, në kompani vendore e ndërkombëtare. Jetoni e njeh Kaçanikun si jetesë, si problematikë, si histori e kulturë por edhe në dokument. Ai i ka analizuar hollësishëm qeverisjet e kaluara në Kaçanik duke u kujdesur që të bëjë pikërisht atë që mungon, një kujdes i veçantë për Kaçanikun dhe qytetarët e qytetaret e tij. Prandaj, një qytet të bukur vetëm kandidati ynë mund ta zbukurojë edhe më shumë përmes projekteve dhe ideve të tij.
Qytetarë të dashur e mikpritës të Kaçanikut,
Në Kaçanik vij gjithmonë me kënaqësi, por do të kem nderin e madh t’ju vizitoj kur Jeton Raka është kryetar.