Met Gala 2025/ Të gjitha detajet që duhet t’i dini

Met Gala është pa dyshim një nga ngjarjet më të rëndësishme dhe më të shumëpritura në botën e modës. Sivjet, eventi do të mbahet më 5 maj, dhe si çdo vit, pritet të sjellë një spektakël të vërtetë në tapetin e kuq, me veshje që do të bëhen menjëherë virale në rrjetet sociale. Por përpara se të ndodhë kjo, ja çfarë duhet të dini për Met Gala 2025 – nga tema e këtij viti, te kodi i veshjes dhe të ftuarit.

Tema: “Superfine: Tailoring Style Black”

Tema e këtij viti titullohet “Superfine: Tailoring Style Black”, një dedikim ndaj dandyizmit – një formë elegante dhe shpesh sfiduese e shprehjes personale që vjen nga historia dhe kultura e diasporës afrikane. Tema dhe ekspozita janë frymëzuar nga libri i vitit 2009 i autores Monica L. Miller, “Slaves to Fashion: Black Dandyism and the Styling of Black Diasporic Identity”, i cili flet mbi mënyrën se si njerëzit e diasporës afrikane—veçanërisht burrat—kanë përdorur modën si një mjet për vetë-shprehjeje, rezistence dhe krijim identiteti.

Kodi i veshjes: I personalizuar dhe i guximshëm

Në përputhje me temën, kodi i veshjes është i përqendruar te detajet e rafinuara që shprehin stilin personal. Të ftuarit duhet të paraqesin botën e tyre të brendshme këtë përmes stilit të tyre unik – qoftë me veshje klasike të frymëzuara nga Savile Roë, apo me elementë avangardë që mishërojnë frymën dhe historinë e dandyizmit. Ky është viti për të shkëlqyer me klas dhe guxim njëkohësisht.

Prezantuesit e këtij viti

Met Gala 2025 do të udhëhiqet nga figura të njohura të botës së artit dhe kulturës: Colman Domingo, Lewis Hamilton, A$AP Rocky dhe Pharrell Williams.

Ata do t’i bashkohen ikonës së modës Anna Wintour, ndërsa LeBron James do të jetë i ftuari i nderit, në paraqitjen e tij të parë në këtë event.

Në përputhje me traditën, Met Gala 2025 do të ketë gjithashtu një komitet pritës me “Mbretin e R&B” Usher, autorin nigerian Chimamanda Ngozi Adichie, reperët amerikanë André 3000 dhe Doechii, këngëtarin dhe aktorin Jeremy Pope, aktoren e “The Bear” Ayo Edebiri dhe shumë të tjerë.

Të ftuarit dhe spekulimet

Si gjithmonë, lista e plotë e të ftuarve mbahet sekret, por me siguri do të shohim emrat e përmendur më sipër. Fansat shpresojnë që Rihanna dhe A$AP Rocky të rikthehen pas mungesës vitin e kaluar. Gjithashtu, Kim Kardashian, e cila nuk ka munguar që nga viti 2012, pritet të shfaqet me një tjetër pamje që do të shkaktojë zhurmë në rrjet.