Mijëra protestues në Tiranë, nis protesta për çlirimtarët

Në sheshin kryesor të Tiranës, atë “Skënderbej”, janë mbledhur mijëra shqiptarë, për të protestuar kundër Gjykatës Speciale të Hagës.

Shqiptarë nga Kosova, Shqipëria, Maqedonia e Diaspora janë bashkuar për të kërkuar lirimin e ish-krerëve të Ushtrisë Çlirimtare të Kosovës: Hashim Thaçi, Jakup Krasniqi, Kadri Veseli e Rexhep Selimi, shkruan IndeksOnline.

Nga Kosova u nisën qysh herët në mëngjes dhjetëra autobusë që bartën veteranë, familjarë të dëshmorëve e qytetarë të shumtë, në drejtim të kryeqytetit të Shqipërisë.

Zërit të protestës iu bashkuan edhe figura të shumta nga kasta politike e Kosovës, Shqipërisë dhe Maqedonisë së Veriut.

Të rreshtuar në ballë të protestuesve janë djemtë e ish-krerëve të UÇK-së, që po gjykohen në Hagë tash e 5 vjet.

Protesta e sotme në Tiranë është pasuese e asaj të gushtit në Prishtinë, dhe asaj të shtatorit në Hagë.

Më poshtë pamje nga momente kyçe të protestës: