Miley Cyrus ngjall thashetheme për fejesë me të dashurin 6-vjet me të ri

Këngëtarja Miley Cyrus ndezi thashetheme për fejesë pasi u shfaq me të dashurin e saj Maxx Moranda në premierën e filmit Avatar: Fire and Ashes në Los Angeles, duke mbajtur një unazë diamanti në dorën e majtë.

Fituesja e çmimit “Grammy” dhe partneri i saj pozuan të përqafuar në tapetin e kuq në Teatrin Dolby të Hollywood-it dhe fansat nuk mund ta humbisnin bizhuterinë e re në gishtin e saj, raporton “Daily Mail”, transmeton Indeksonline.

Këngëtarja e tregoi për herë të parë unazën e madhe me diamant në Instagram, në fotot që bëri për të festuar ditëlindjen e saj të 33-të më 23 nëntor.

Duket se e ka mbajtur që atëherë dhe në premierën e mbrëmshme, ajo u sigurua ta bënte atë në qendër të vëmendjes. Përveç unazës së fejesës, Miley mbante edhe një unazë të dytë me diamant në gishtin tregues të dorës së majtë, ndërsa dora e djathtë ishte e zbukuruar me bizhuteri që përputheshin me gjerdanin me diamant.