Ministria e Shëndetësisë nis furnizimet ne dy qytete pas dyshimeve për helmim të ujit
Ministria e Shëndetësisë, në bashkëpunim me Shërbimin Spitalor Klinik dhe Universitar të Kosovës, kanë bërë furnizimin me barna në QKMF-në, në Han të Elezit, në kuadër të kërkesave për ndihmë emergjente, sa i përket dyshimeve për helmim nga uji.
Ministria e Shëndetësisë, njofton opinion publik se në kuadër të emergjencave në QKMF Kacanik dhe Hani i Elezit për produkte medicinale, ju njoftojmë për furnizimet të cilat janë realizuar nga ShSKUK.
Nga SP Ferizaj për QKMF Kaçanik (Furnizimi me datën 08.07.2022)
- Ringer sol 500 copë
- NaCl 500ml 700 copë
- Kanilla 22G 1000 copë
- Hyoscine amp. 120 copë
Nga QKUK per QKMF Hani i Elezit (Furnizimi me datën 12.07.2022)
- NaCl 500ml 500 copë
- Hyoscine amp. 60 copë
- Metoclopramide amp. 150 copë
“Sa i përket situatës së krijuar të gjitha komunat për rreth Hani të Elezit, si Vitia, Ferizaj etj, janë në gjendje gatishmërie për të ndihmuar komunën e Hanit të Elezit, për tejkalimin e kësaj situate, ku dyshohet se disa qytetarë janë helmuar më ujë të pijes.
Ministria e Shëndetësisë dhe institucionet relevante janë duke e përcjellë gjendjen në komunën e Hanit të Elezit dhe në atë të Kacanikut, në mënyrë që t’ju ofrojmë shërbime sa më të duhura qytetarëve të këtyre vendeve, por edhe më gjerë” thuhet në njoftimin e MSH-së./Indeksonline/
