Ministri i Jashtëm gjerman: Do të udhëtojë për në Kosovë dhe Serbi, dialogu është përparësi

Ministri i Punëve të Jashtme i Gjermanisë, Heiko Maas, vlerësoi se është mirë që erdhi vazhdimi i dialogut Kosovë – Serbi dhe njoftoi vizitën e tij në Kosovë dhe në Serbi.

“Është e qartë për mua që duhet të udhëtojë për në Serbi dhe Kosovë dhe të dërgoj një sinjal të fortë se dialogu është përparësi për ne”, tha Maasi gjatë prezantimit të përparësive të presidencës gjermane të Këshillit të BE-së para Komitetit për Politikë të Jashtme të Parlamentit Evropian, në Bruksel.

Ai deklaroi se së së fundmi është takuar me të dërguarin e BE-së për dialogun midis Beogradit dhe Prishtinës, Mirosllav Lajçak, në Brelin, dhe theksoi se Gjermania do të mbetet e përkushtuar për vazhdimin e dialogut, raporton Tanjugu.

“Këto janë vende që duan një të ardhme evropiane dhe ne nuk duhet t’i lejojmë ata të heqin dorë nga ne dhe ne e dimë që të tjerët kanë interes të ndikojnë në atë rajon”,

Kreu i diplomacisë gjermane vlerëson se përveç situatës “të vështirë dhe komplekse” në rajon, tani ka pasur një shpërthim të ri të pandemisë së virusit korona.

Kryediplomati gjerman deklaroi se Gjermania do të përpiqet të hapë negociatat e pranimit me Maqedoninë Veriore deri në fund të presidencës së saj, deri në fund të vitit, por ai shprehu dyshimin se ajo do të jetë e mundur me Shqipërinë.