Ministri kroat i Shëndetësisë: Të lënduarit janë në duar të sigurta

Ministri kroat i Shëndetësisë, Vili Beros ka publikuar një fotografi nga spitali rajonal i Slavonski Brod ku shihet me Ambasadorin e Kosovës në Kroaci, Gëzim Kasapolli, transmeton “Indeksonline”.

Ai përmes një psotimi në “Tëitter”, ka siguruar familjet e të lënduarve nga aksidenti i sotëm se të lënduarit janë në duar të sigurta dhe afër tyre po u qëndron ambasadori i Kosovës në Kroaci, Gëzim Kasapolli.

“Ne mendojmë për familjet e atyre që u humbën jetën dhe u lënduan në aksidentin e trafikut afër Slavonski Brod. Personalisht mund të konfirmoj se të lënduarit janë në duar të sigurta dhe po u qëndron pranë ambasadori i Kosovës dhe një përkthyes, për t’i lehtësuar këto momente të vështira”, ka shkruar ai.

Kujtojmë se në aksidentin e sotëm tragjik në Kroaci humbën jetën 10 persona në mesin e tyre edhe një nga shoferët e kompanisë “Deva Tours”, e cila po sillte bashkëatdhetarë tanë nga Gjermania për në Kosovë.