Ministri Veliu ftohet për vizitë në Republikën e Turqisë

Ministri i Ministrisë së Punëve të Brendshme Agim Veliu takoi ambasadorin e Republikës së Turqisë në Kosovë,  Çağrı Sakar.

Në këtë takim u diskutua për progresin në hartimin e marrëveshjes në fushën e sigurisë ndërmjet Republikës së Kosovës dhe Republikës së Turqisë, e cila do të mundësojë shkëmbim më të mirë të përvojave, si dhe bashkëpunimit në të gjitha fushat me interes të përbashkët.

Gjithashtu në këtë takim u vlerësua se kjo marrëveshje do të hap një kapitull të ri në marrëdhëniet bilaterale dhe do të ofroj mundësinë e ngritjes së kapaciteteve të agjencive të zbatimit të ligjit.

Ministri Veliu së bashku me ambasadorin Sakar theksuan rëndësinë e marrëdhënieve të mira që këto dy shtete i kultivojnë që një kohë të gjatë si dhe diskutuan për menaxhimin e situatës me pandeminë COVID-19.

Ndërsa në anën tjetër z. Sakar përsëriti ftesën e Ministrit të Punëve të Brendshme të Republikës së Turqisë drejtuar Ministrit Veliu për një vizitë pune.