Ministri Vitia: Nga e hëna në ambiente të mbyllura vetëm me certifikatë të vaksinimit ose test negativ

Gjatë ditës së sotme, Ministri i Shëndetësisë, Arben Vitia ka raportuar para Komisionit për Shëndetësi.

Ai ka paralajmëruar se nga e hëna e ardhshme hyrjet në hapësirat e lokaleve do të bëhen me masa të reja.

Sipas ministrit, të gjithë që do të hyjnë në ambientet e brendshme të lokaleve duhet të kenë me vete certifikatën e vaksinimit ose test PCR apo sterologjik.

“Në masat që jemi duke hartuar tani edhe në gastronomi të aplikohet nga data 27 shtator të aplikohen masa kufizuese vetëm me certifikatë të vaksinimit, me test PCR dhe me test serologjik. Shoqata e Gastronomeve është treguar bashkëpunuese në këtë drejtim. Me këto shifra, një masë e tillë nuk është më pengesë as për sektorin e gastronomisë”, ka thënë ministri Vitia. /IndeksOnline/