Ministria e Shëndetësisë në Gaza: Mbi 70 mijë viktima që nga fillimi i luftës

Ministria e Shëndetësisë në Rripin e Gazës, e udhëhequr nga lëvizja palestineze Hamas, njoftoi sot se më shumë se 70,000 njerëz kanë humbur jetën në territoret palestineze që nga fillimi i luftës, pas sulmit të Hamasit ndaj Izraelit më 7 tetor 2023.

Ky bilanc tragjik vjen një muaj e gjysmë pas arritjes së një armëpushimi të brishtë, të ndërmjetësuar nga SHBA-të, të cilin të dyja palët e akuzojnë për shkelje.

Ministria njoftoi se numri total i viktimave të lidhura me konfliktin ka arritur në 70,100, ndërkohë që 354 palestinezë janë vrarë nga zjarrin izraelit që nga fillimi i armëpushimit më 10 tetor. Sipas Ministrisë, në 48 orët e fundit janë sjellë dy trupa të rinj në spitalet e Gazës, njëri prej të cilëve është nxjerrë nga rrënojat. Lufta ka shkaktuar gjithashtu shkatërrim të gjerë në territorin e Gazës.

Sulmi i 7 tetorit ka shkaktuar vdekjen e 1,221 personave në anën izraelite, kryesisht civilë, sipas të dhënave që AFP ka mbledhur nga burime zyrtare.

Po ashtu, 251 persona janë rrëmbyer gjatë sulmeve të Hamasit dhe janë dërguar në Gaza, raporton france24.

Si pjesë e marrëveshjes për armëpushim, Hamas liroi 20 të burgosur të gjallë që ende i mbante dhe ktheu trupat e 26 nga 28 të burgosurve të vdekur. Nga ana e tij, Izraeli liroi rreth 2,000 të burgosur palestinezë dhe ktheu trupat e qindra palestinezëve të vdekur.