Ministrja e Katarit viziton Kosovën, takohet me Osmanin dhe Kurtin

Presidentja Vjosa Osmani, pret sot në takim Ministren për Zhvillim Social dhe Familje të Katarit, Maryam bint Ali bin Nasser Al-Misnad.

Takimi, sipas zyrës së presidentes, do të fillojë nga ora 9:00, në Kabinetin e Presidentes.

“Në orën 09:30, Presidentja e Republikës së Kosovës, Vjosa Osmani pret në takim Ministren për Zhvillim Social dhe Familje të Katarit, Maryam bint Ali bin Nasser Al-Misnad”, thuhet në njoftimin e Zyrës së Presidencës.

Si dhe, Kryeministri i Kosovës, Albin Kurti, sot pret në takim ministren e Katarit për Zhvillim Social dhe Familje, Maryam bint Ali bin Nasser Al Misnad.

Takimi do të fillojë nga ora 10:30, dhe mbahet në ndërtesën e qeverisë.

Ndërkaq, mediave iu lejohet të marrin pamje nga oborri i Qeverisë.