Miralem Pjanic ia sheh ”sherrin” Ligës së Kombeve
Mesfushori i Juventusit, Miralem Pjanic ka pësuar lëndim duke luajtur për Kombëtaren e Bosnjës dhe Hercegovinës.
Nuk është ende e ditur shkalla e lëndimit të lojtarit, por gjithçka pritet të vërtetohet pas testeve mjekësore.
Pjanic u largua nga loja në minutën e 83-të në fitoren, 2-1 të Bosnjës ndaj Irlandës së Veriut.
”Zonja e Vjetër” kështu merr lajm të keq për mesfushorin para sfidës së 16 shtatorit në Serie A ndaj Sassuolos.
Më pas, më 19 shtator, Juventusi përballet me Valencian në Champions League./IndeksOnline/