Model Y nuk e ka kualitetin në nivelin e duhur, Tesla duhet të bëjë edhe disa përmirësime

Shumë përfundime të kësaj makine, janë larg kualitetit të një makine moderne

Gjatë viteve të fundit, Tesla ka arritur shumë suksese me të cilat mund të krenohet, megjithatë duhet të bëjë edhe disa përmirësime në kualitetin e prodhimit.

Megjithëse konsiderohej se Model Y, është ndërtuar me kualitetin e duhur, shikimi i një makine nga afër e tregon të kundërtën.

Kenriko është blerësi i një Tesla Model Y, që pagoi 56 mijë euro për këtë makinë tërësisht të re, por që pritjet e tij nuk arritën ashtu si duhej.

Shtresat që e mbulojnë pjesën e sipërme të tavanit, kanë njolla të shumta, ndërsa përfundimet nuk janë ngjitur si duhet. Në pjesët anësore ka shumë të gërvishtura, të cilët i gjejmë edhe nëpër disa pjesë të jashtme.

Shkaku i pjesëve që nuk janë përputhur si duhet, ka bërë që as kapaku i bagazhit të mos mbyllet mirë.