Moderatorja merr vëmendjen me kombinimin e saj, një xhubletë historike me një fustan modern
Se tradita shqiptare dhe kultura moderne përshtaten në mënyrën më të mirë të mundshme e dëshmojnë edhe veshjet tradicionale.
Kombinimi i veshjeve tradicionale të krahinave të ndryshme me veshjet moderne është bërë trend, sidomos te figurat publike në datat e veçanta.
Sot, në ditën e flamurit, gazetarja Entela Sahiti ka bërë një kombinim shumë të bukur të një xhublete gjysmë shekullore të regjionit të Medvegjës me një fustan modern.
“Rrënjët s’duhet harruar, cikë e Medvegjës”, ka shkruar ajo në rrjetet sociale.
Koment për veshjen e kombinimin mori edhe nga historiani, Durim Abdullahu.
“Subkultura të ndryshme të kombinimit, kostumi që keni veshur me motive të Medvegjës dhe e keni përshtat me një fustan modern”, ka thënë Abdullahu.