Modric tregon një histori interesante mes Mourinhos dhe Ronaldos

Luka Modrić ka zbuluar se gjatë kohës te Real Madridi, José Mourinho ishte aq i ashpër sa njëherë e bëri Cristiano Ronaldon të qante në dhomat e zhveshjes, vetëm sepse nuk ndoqi një mbrojtës kundërshtar.

Mesfushori kroat e përshkroi Mourinhon si trajner shumë të drejtpërdrejtë dhe të sinqertë, duke theksuar se pa të nuk do të kishte ardhur kurrë te Reali. Pavarësisht tensioneve, Modrić e cilësoi portugezin si “të veçantë”.

Modrić, tashmë pjesë e Milanit, shtoi se trajneri i kuqezinjve Massimiliano Allegri ka një stil të ngjashëm drejtimi me Mourinhon.