Mogherini mbledh nesër në Bruksel liderët e Ballkanit, të pranishëm edhe Thaçi e Vuçiq
Shefja për Politikë të Jashtme e Bashkimit Evropian, Federica Mogherini do të zhvilloj nesër një darkë pune me liderët e vendeve të Ballkanit.
Në këtë takim që do të mbahet në mesditë, do të marr pjesë presidenti i Kosovës, Hashim Thaçi dhe ai i Serbisë, Aleksandër Vuçiq.
Zhvillimet e fundit mes dy shteteve do të jetë njëra nga temat e këtij takimi, shkruan Indeksonline.
Pos Thaçit e Vuçiq, në takim do të jenë të pranishëm edhe kryeministri i Shqipërisë, Edi Rama, presidenti i Malit të Zi, Milo Gjukanoviq, kryeministri i Maqedonisë, Zoran Zaev dhe kryetari i Këshillit të Ministrave të Bosnje dhe Herzegovinës, Denis Zvizdiq.
Kujtojmë se dje në mbledhjen e Këshillit të Sigurimit të mbajtur në Bruksel, presidenti Thaçi u ballafaqua me homologun serb, Aleksandër Vuçiq. /Indeksonline/