Mohamed Salah pasi u shpall më i miri në Premier League: Është diçka e veçantë, jam mirënjohës për ata që më votuan

Futbollisti i Kombëtares së Egjiptit, Mohamed Salah mbrëmë fitoi çmimin si lojtari më i mirë i sezonit në Premier League.

Përmes rrjeteve sociale, Salah ka bërë një shkrim në rrjetet sociale duke falënderuar të gjithë ata që e votuan, shkruan Indeksonline

“Ky çmim shumë i veçantë ka një efekt të ndryshëm kur kemi një trofe të rëndësishëm që e shoqëron. Të qenit kampion është ajo që ka rëndësi dhe ne do të luftojmë për ta bërë këtë përsëri këtë sezon. Jam jashtëzakonisht mirënjohës ndaj lojtarëve që votuan për mua”, u shpreh Salah

Kjo ishte hera e tretë në karrierë që Salah merr çmimin “PFA”, duke u bërë poashtu lojtari me më së shumti trofe të tillë në histori të Premier League me (3).

Nga dy çmime të tilla, janë: Kevin De Bruyne, Gareth Bale, Cristiano Ronaldo dhe Thierry Henry./Indeksonline/

This very special award hits different when we have an important trophy to go along with it. Being champions is what matters and we will fight to do it again this season. I am incredible grateful to the players who voted for me. pic.twitter.com/L9nkm4ltMr

— Mohamed Salah (@MoSalah) August 20, 2025