Moment i sikletshëm në Zvicër: Reagimi i David Beckhamit kur pyetet për djalin

David Beckham iu shmang pyetjeve të gazetarëve në Davos të Zvicrës ditën e sotme në lidhje me deklaratën e djalit të tij Brooklyn në lidhje me grindjet familjare.

Beckham ishte në Forumin Ekonomik Botëror për të regjistruar një episod të podkastit “Reconsidering”, paraqitja e tij e parë publike që kur djali i tij i madh publikoi një deklaratë të gjatë në lidhje me grindjet familjare, raporton Daily Mail, transmeton Indeksonline.

Ndërsa Beckham, 50 vjeç, po pozonte për foto me tifozët, një gazetar i Sky Newsit e pyeti: “David, a ke ndonjë mesazh për Brooklyn-in sot?”, pas së cilës ish-futbollisti u kthye dhe u largua.

Gazetari u përpoq përsëri të merrte një koment duke e pyetur: “David, a je i zhgënjyer që çështjet familjare po dalin në pah në publik”, por nuk mori përgjigje.

Pak çaste më parë, gjatë një regjistrimi të podkastit “Reconsidering” me autorin Adam Grant, Beckham dukej i lodhur./Indeksonline/

David Beckham is in Davos – Sky’s @pkelso took the chance to ask about his son’s recent Instagram post.

Brooklyn Peltz Beckham broke his silence about his estrangement from his parents, saying he does not want to reconcile with his family.https://t.co/MYS7eu1QHb pic.twitter.com/AN8W8qaM7g

— Sky News (@SkyNews) January 20, 2026