Momenti kur Bon Jovi hero, i shpëton jetën gruas që donte të vriste veten

Policia e Neshvillit, në Tenesi, thotë se legjenda e muzikës rock, John Bon Jovi, i ka shpëtuar jetën një gruaje që po bëhej gati të hidhej nga një urë të martën në mbrëmje.

Sipas autoriteteve, Bon Jovi i mbushi mendjen gruas që të zbriste e të mos hidhej nga ura, shkruan A2 CNN-i. “Duhet ndihma e të gjithëve për të ruajtur njëri-tjetrin”, tha drejtori i policisë lokale, John Drake.

Në një video të incidentit të publikuar nga policia e Neshvillit, Bon Jovi shihet teksa po ecën në urë me një grup xhirimi kur sheh gruan buzë urës mbi lumin e qytetit. I shoqëruar nga një person tjetër i paidentifikuar, Bon Jovi duket se i flet gruas dhe e bind të mos hidhet. Më pas, këngëtari shihet teksa e përqafon gruan.

Jon Bon Jovi recently helped rescue a distraught woman from the ledge of a bridge in Nashville. It was caught on video. Metro Nashville PD released the amazing moment. pic.twitter.com/Ue6neq2njx

— Channing Frampton (@Channing_TV) September 11, 2024