Momenti kur VVD flet para Messit për eliminimin e Barcelonës, fansat e Liverpoolit të ngazëllyer

Mbrojtësi i Liverpoolit, Virgil van Dijk ishte fituesi i madh në ceremoninë e çmimeve të UEFA-s të enjten.

VVD mori çmimin e lojtarit më të mirë të UEFA-s para Lionel Messit dhe yllit të Juventusit, Cristiano Ronaldo.

Van Dijk mori 305 pikë nga trajnerët e çdo skuadre në Ligën e Kampionëve të sezonit të kaluar dhe Europa League, plus 55 gazetarë.

“Para së gjithash, mendoj se duhet të falënderoj të gjithë shokët e mi të ekipit [Liverpool],” tha Van Dijk pasi mori cmimin prestigjioz, transmeton IndeksOnline.

“Më është dashur të punoj shumë për çdo hap të rrugës – kjo është pjesë e imja dhe jam shumë i lumtur për këtë. Jam shumë krenar që e fitoj këtë trofe dhe i takon të gjithë atyre që më ndihmuan gjatë rrugës.”

Më pas, ishte një moment paksa i sikletshëm kur Van Dijk u pyet për të folur për rikthimin ndërsa ishte ulur afër Messit, i cili u la i “shkatërruar” nga humbja 4-0 e Barçës në Anfield.

Mikpritësja i tha Van Dijk: “Le të kthehemi te gjysmëfinalet * – Më vjen keq, Leo është këtu, por shpresojmë se ai nuk kupton shumë anglisht! – 3-0 në Camp Nou, ju e ktheni plotësisht atë, ishte një lojë e jashtëzakonshme e futbollit, kishte kaq shumë dramë. Ishte një shfaqje fantastike; në cilën pikë besuat se mund ta ktheni atë rezultat dhe çfarë roli luajti Anfield në të? ”

Shihet qartë që Messi e kuptoi mjaftueshëm sa për të kuptuar që Van Dijk u kërkua të fliste për mbrëmjen më të rëndë të Barças sezonin e kaluar.

Legjenda argjentinase shikoi përreth paksa pakëndshëm dhe duhet të ishte lutur që Van Dijk të nxitonte dhe të ndalonte së foluri.

Shikoni klipin më poshtë. /IndeksOnline/

Van Dijk talking about the comeback against Barcelona at Anfield in front of Messi. This is the content we all needed. pic.twitter.com/Vh8YId7gRc

— 9 (@EnRouteAnfield) August 29, 2019